МЕЃУНАРОДНИОТ УНИВЕРЗИТЕТ „ВИЗИОН“ УЧЕСТВУВАШЕ НА „МЕЃУНАРОДНИОТ СИМПОЗИУМ ЗА АДМИНИСТРАТИВНО ПРАВО И АДМИНИСТРАТИВНО СУДСТВО“ ЧИЈ ДОМАЌИН БЕШЕ УНИВЕРЗИТЕТОТ „БАЛИКЕСИР“

Меѓународниот универзитет „Визион“ беше партнерски универзитет на Меѓународниот симпозиум за административно право и административно судство (ISALAJ 2023), чија годишна тема беше „Заштита на културните и историските добра и влијанието на природните катастрофи“, што се одржа од 20 до 22 јули со учество на академици (со физичко присуство и онлајн) од Турција, Русија, Казахстан, Узбекистан, Киргистан, Азербејџан, Македонија и Босна и Херцеговина.

Симпозиумот беше организиран во соработка со Меѓународниот универзитет „Визион“, Државниот универзитет „Бухара“, Државниот универзитет „Баку“, Државниот универзитет „Ѓулистан“, Академијата на државниот царински комитет на Азербејџан, Државниот универзитет „Термиз“, Казахстанскиот национален универзитет „Ал-Фараби“, Финансискиот институт на Универзитетот во Ташкент „Молија“ и Економскиот универзитет во Ташкент, а под покровителство во прв ред на Универзитетот „Баликесир“, кој воедно беше и домаќин на симпозиумот, Центарот за истражување и примена на административното право „орд. проф. д-р Сидик Самир Онар“ при Правниот факултет на Универзитетот во Истанбул и Истанбулскиот трговски универзитет. Симпозиумот имаше за цел да обезбеди научен придонес во областа на административното право од вредни академици кои се експерти во своите области.

На симпозиумот, на кој беа презентирани повеќе од 50 трудови на турски, англиски, руски, азербејџански, казахстански и узбекистански турски јазик, ректорот на Универзитетот „Баликесир“ проф. д-р Јуџел Огурлу ја модерираше првата сесија на која учествуваа нашите универзитетски професори, доц. д-р Азам Ќорбајрам и доц. д-р Јордан Делев со сопствен труд.