ДЕЛЕГАЦИЈА НА МЕЃУНАРОДНИОТ УНИВЕРЗИТЕТ „ВИЗИОН“ ГО ПОСЕТИ АМБАСАДОРОТ НА РЕПУБЛИКА ТУРЦИЈА ВО СКОПЈЕ

Делегацијата во состав од ректорот на Меѓународниот универзитет „Визион“ проф. д-р Ахмет Веџди Џан, проректорот проф. д-р Менсур Нуредин и претседателот на надзорниот одборот г. Мефаил Реџеп, го посетија амбасадорот на Република Турција во Скопје, г.  Хасан Мехмет Секизќок.

За време на посетата во амбасадорската резиденција, беа дадени информации за активностите на Меѓународниот универзитет „Визион“ во новата академска година, а турскиот амбасадор беше поканет и на свеченото отворање на академските студии што ќе се одржи во Гостивар на 15 октомври 2023 година.

Би сакале да му се заблагодариме на почитуваниот амбасадор Хасан Мехмет Секизќок за неговиот љубезен прием и гостопримство.