КООРДИНАТОРОТ НА ИНСТИТУТОТ „ЈУНУС ЕМРЕ“ ВО СКОПЈЕ АРИФ КОНАК И НЕГОВАТА ДЕЛЕГАЦИЈА ГО ПОСЕТИЈА МЕЃУНАРОДНИОТ УНИВЕРЗИТЕТ „ВИЗИОН“

Координаторот на Институтот „Јунус Емре“ во Скопје, Ариф Конак, го посети Меѓународниот универзитет „Визион“ со неговата придружна делегација. Во рамки на посетата се разговараше за можни соработки меѓу двете институции.

На средбата беа разменети мислења за развој на заеднички проекти од областа на образованието и културата, како и за зголемување на активностите за промоција на турската култура и зајакнување на академските соработки.

Координаторот Ариф Конак изјави дека особено ја цени работата на Меѓународниот универзитет „Визион“ во областа на образованието и научното истражување и изрази верување дека оваа посета ќе биде продуктивна за двете институции. Претставниците на Универзитетот, исто така, го изразија своето задоволство од придонесот на Институтот „Јунус Емре“ и истакнаа дека се подготвени да развијат соработкa.

По средбите, делегацијата имаше можност да го посети универзитетскиот кампус. Оваа посета се смета за важен чекор што ќе го отвори патот за идни заеднички проекти.