ОТВОРАЊЕТО НА АКАДЕМСКАТА ГОДИНА И ПРОСЛАВАТА НА 10-ГОДИШНИНАТА НА УНИВЕРЗИТЕТОТ ВИЗИОН ЗАПОЧНА СО НАУЧНИ КОНГРЕСИ

Отворањето на академската 2024-2025 година на нашиот универзитет се одржа на 4 октомври 2024 година. Овој посебен ден претставуваше почеток на прославата на 10-годишнината на нашиот универзитет и беше одбележан со два меѓународни научни конгреси. Во рамките на овие настани беше отворен Меѓународниот конгрес за образовни науки, додека истовремено се одржа и Меѓународниот конгрес за балкански науки, организиран од Институтот за балкански студии, кој е познат по своите бројни научни публикации во областа на истражувањето.

Свеченото отворање на академската година го направи ректорот на Меѓународниот универзитет Визион, г-дин проф. д-р Ахмет Веџди ЏАН, додека во име на различните универзитети од Турција (Гази, Ерџијес, Истанбул Ајдин, Инону и Ниде Омер Халисдемир универзитетот), поздравен говор одржа г-дин проф. д-р Мустафа ТАЛАС.

Министерот за регионален развој на Република Косово, г-дин Фикрим ДАМКА, го почести свеченото отворање на академската година и 10-годишнината на универзитетот со своето специјално обраќање.

На двата конгреса придонесоа многу академици од земјата и од странство со свои научни трудови. Овие успешни научни организации, покрај тоа што ја зајакнаа академската визија на нашиот универзитет и неговото лидерство на Балканот, овозможија и вредна платформа за меѓународна академска соработка.

Исто така, по повод 10-годишнината од основањето на нашиот универзитет, се одржа и церемонија со промоција на 10 нови наставници во различни научни звања.

Како Меѓународен универзитет Визион, со голема чест продолжуваме да ги прошируваме нашите научни придонеси во нашата 10-та година и искрено им се заблагодаруваме на сите наши професори кои придонесуваат за нашата академска заедница.